Isinulat ang tulang ito upang magbigay importansya sa papel na ginagampanan ng ating kakabaihan sa lipunan.
May isang nilalang na
Malaki ang ginagampanan
Sa buhay ko at ng ibang tao
Siya ang pinagmulan
Siya ang simula
Ng ‘sang katauhan
Siya ang hangganan
Ng ating kalungkutan
Isang tao na
Nangingibabaw sa lahat
Kagandahan niyang taglay
Ay walang katulad
Makikita mo ito
Hindi lamang sa panlabas na anyo
Kundi pati na rin sa loob
Sa ika-buturan ng puso
Siya ay nilikha
Ng ating Diyos Ama
Upang mag bigay
Buhay at pag-asa
Siya ay espesyal
At higit sa ating lahat
Sukli sa kaniyang pagmamahal
Pasasalamat ay hindi sapat
Sino siya sa buhay mo?
Ano siya sa buhay ko?
‘Di alam kung saan tutungo
Kung wala siya sa mundong ito
Kalalakihan, tandaan ninyo
Ang kakayahan niya bilang tao
Labis ang sakripisyo
Makamtan lang ang mga pangarap niyo
Sa pagsasama
Hindi siya dapat mawala
Hindi rin siya kailangan mabuo
Bagkus ay maging isa at kapantay mo
Bigyan ninyo ng parangal
Tratuhin ng may dangal
Makita niyo siyang katuwang
At kasangga sa buhay
Mga anak isipin ninyo
Labis na hirap ang dinadanas
Siyam na buwang pagbubuhat
Makita niyo lang ang mundo
Hindi masusukat
Sakit na nararanasan
Nasa bingit ng kamatayan
Mai-luwal ka lamang
Lahat ng hirap at sakripisyo
Naglaho ng parang bula
Iyak mong tumubos nito
At nagdala ng ligaya sa kaniyang mukha
Sa pag daan nang mga taon
At paglipas nang panahon
Lumaki ka nang malusog
Dahil sa pagmamahal ika’y busog
Magdamag nasa tabi
Napapraning ‘pag ika’y humihikbi
Babantayan ka parati
Araw man o gabi
Nang ikaw na ay lumaki
Puting buhok rin niya’y dumami
Wala pa ring inatupag kundi mag-alaga
Kahit ayaw mo na
Ikaw ay naiinis
Nakukulitan dahil paulit-ulit
Siya ay nagpapaala ala lamang
Kaya intindihin
Sa iyong mga pagkakamali
Pag-ibig pa rin ang nanaig
Patuloy kang inalagaan
Marapat lang na ito’y suklian
Hindi pa huli ang lahat
Sa kanya ay mag pasalamat
Ngayon ika’y natuto na
Magpairal ng puso sa bawat gawa
Nang makabuo ng pamilya
Nariyan pa rin siya
Patuloy ang pagmamahal at suporta
Kahit kaya mo na
Ngayon ay ramdam mo na
Mga sakripisyong ginagawa
Responsibilidad ng mga magulang
Lalo na sa pagiging ina
Kaya huwag siyang maliitin
At huwag baliwalain
Ang papel na ginagampanan niya
Sa buhay natin
Hindi tayo ganap na tao
Kung wala siya dito
Siya ang direksyon
At liwanag ng mundo
Isinulat ni Aimee
Comments